Қазақстанға 320 криптовалюта өндіретін машинадан тұратын қытайлық майнингтік ферма келді.
Электр қуатын көп тұтынатын майнингтік жабжықтар 27 маусымға дейін пайдалануға беріледі,
Қытайдың «Mining Limited» компаниясы Қазақстанға криптовалюта шығаратын жабдықтардың алғашқы партиясы сәтті жеткізілгенін хабарлады.
Қуаттылығы 102,3 PH болатын 2 600 майнингтік қондырғының екінші және үшінші партиясы Қазақстанға 1 шілдеге дейін жеткізіледі.
Mining Limited-тің хабарлауынша, фирма қалған қондырғыларды алдағы тоқсандарда шетелдік ақпараттық орталықтарға жіберуді жоспарлап отыр.
«Техас пен Қазақстандағы криптовалюта майнингі үшін салған инвестицияларымыздан кейін, біз әр түрлі жоғары сапалы майнингтік активтер үшін шетелде дамуымызды жеделдетеміз», — деді BIT Mining бас директоры Сяньфэн Ян.
2021 жылдың мамыр айында Mining Limited компаниясы Қазақстанда криптовалют өндіретін дата-орталықтың құрылысына және пайдалануға 60 млн юань (шамамен 9,3 млн доллар) инвестиция салатынын хабарлаған. Оның қуаттылығы 100 МВт болады деп күтілуде. Сондай-ақ, BIT Mining Limited жергілікті компаниялармен жабдықтарға қызмет көрсету туралы келісімдер жасасты. 2021 жылдың 1 шілдесінен бастап BIT Mining Limited жаңа дата-орталықтың 20 МВт, соңында 60 МВт қуатына қол жеткізе алады.
19 маусымда Қытайдың Сычуань провинциясында орналасқан компанияның еншілес кәсіпорны Ganzi Changhe деректерді өңдеу орталығы энергиямен жабдықтауды тоқтату туралы хабарлама алды. Мамыр айында Ganzi Changhe-ті қосқанда, осы өңірдегі деректерді өңдеу орталықтары BIT Mining Limited-тің бір айдағы жалпы табысының шамамен 3%-ын қамтамасыз етті.
Сычуань провинциясының билігі «негізгі» майнерлердің қызметін тоқтатуды талап етіп, энергетикалық компанияларға электр энергиясын жеткізуге тыйым салды. Криптовалюта өндірумен айналысатын көптеген жергілікті кәсіпорындар Қытай билігінің криптовалюталарға қатысты риторика қатаңдатыуы аясында басқа юрисдикцияларды іздестіре бастады.
BIT Mining Limited — криптовалюта өндірумен айналысатын және бұлтты майнингке арналған жабдықтарды жалға алу бойынша қызмет көрсететін компания. Жақында BTC.com мен Bee Computing компаниясын 100 млн долларға сатып алды. Бұрын Mining Limited BIT компаниясы 500.com Limited деп аталған.