Қытай Қарулы Күштері Тайвань жағалауына әскери техникасын жіберді.
«30 тамыз күні сағат 17:00-дегі жағдай бойынша (Мәскеу уақыты бойынша 12:00) Тайвань Қарулы күштері Тайван маңындағы теңіз және әуе кеңістігінде Қытай Халық азаттық армиясының 24 ұшағы мен 11 кемесі жүргенін тіркеді», — делінген жергілікті БАҚ басылымында.
Тайвань ҚК мәліметінше, Қытайдың сегіз ұшағы «орта» сызықты кесіп өткен. Олардың қатарында екі Су-30 жойғыш ұшағы, екі J-11, екі J-16, бір JH-7 жойғыш-бомбалаушы ұшағы және бір Y-8 қайыққа қарсы ұшақ болды.
Бұған жауап ретінде арал билігі жағдайды бақылау үшін әуе патрульін жіберді, радиоескертулер жасады, сондай-ақ зениттік-зымыран кешендерін өрістетті.
2 тамызда АҚШ өкілдер палатасының спикері Нэнси Пелосидің аралға сапары аясында Тайвань төңірегіндегі ахуал ушығып кетті. Пекин америкалық саясаткердің сапарын бір Қытай қағидатын бұзу және елдің мемлекеттік егемендігіне қастандық деп санады.
Бұған дейін Қытай АҚШ-тан Тайваньға қару сатуды тоқтатуды және аймақтағы шиеленістің одан әрі өршуін болдырмау үшін аралмен әскери желі бойынша байланысын тоқтатуды талап еткен болатын. АҚШ президенті Джо Байденнің Конгрестен 1,1 миллиард доллар сомасында қару-жарақты, соның ішінде кемеге қарсы зымырандарды сатуды мақұлдау туралы шешіміне жауап ретінде осындай талап қойылды.