Қытай Халық Республикасының (ҚХР) төрағасы Си Цзиньпин Түрікменстан Президенті Сердар Бердімұхамедовті туған күнімен шын жүректен құттықтап, екі достас ел арасындағы стратегиялық ынтымақтастықты нығайтуға дайын екенін растады.
Ресми құттықтау хаты «Бейтарап Түрікменстан» ресми газетінде жарияланды, онда Қытай мен Түрікменстан арасындағы достық пен ынтымақтастыққа баса назар аударылды.
Си Цзиньпин қытай-түрікмен қарым-қатынастарын дамытуға үлкен көңіл бөлетінін және елдер арасында тығыз байланыс орнатуға дайын екенін атап өтті. Ол сондай-ақ «Бір белдеу — бір жол» бастамасы мен Түркіменстанның «Ұлы Жібек жолын жаңғырту» стратегиясы арасындағы стратегиялық ынтымақтастықты ілгерілетуге, сондай-ақ энергетика саласындағы әріптестікті нығайтуға ниет білдірді.
Қытай Төрағасы Түркменстан Президентінің қаңтар айында Қытайға сапары жемісті болғанын және олардың мамыр айында Қытай — Орталық Азия саммитіне қатысқанын атап өтті, онда маңызды салалардағы ынтымақтастық туралы маңызды келісімдер мен уағдаластықтарға қол жеткізілді. Бұл, Си Цзиньпиннің пікірінше, қытай-түрікмен стратегиялық қатынастарына жаңа серпін береді.
Си Цзиньпин Түркіменстан президентіне зор денсаулық пен жұмысына толағай табыс, сондай-ақ Түркіменстан халқына бақыт пен бақ-береке тіледі. Бұл құттықтау энергетика мен транспорт саласын қоса алғанда, түрлі салалардағы екі ел арасындағы жақындасу мен ынтымақтастықтың маңыздылығын атап өтіп, олардың болашақта әріптестікті нығайтға ұмтылысын растайды.