Коронавирус вакцинасын әзірлеген қытайлық ғалымдар сынақтардың үшінші кезеңі аяқталғаннан кейін маркетингтік шолуды бастауды жоспарлап отыр.
Қытайлық белсенді емес COVID-19 қарсы вакциналары нарықта желтоқсан айының соңына қарай екі дозасына 1000 юаньнан (шамамен 60 мың теңге) кем бағамен пайда болуы мүмкін.
Маркетингтік шолу рәсімі шетелдегі клиникалық сынақтардың үшінші кезеңі аяқталғаннан кейін басталады, деп мәлімдеді вакцина әзірлеушілері.
Вакциналардың бағасы нарыққа түскеннен кейін жоғары болмайды, ал әрбір екі доза 1000 юаньнан кем болады, деді Қытай Ұлттық фармацевтикалық тобының төрағасы Лю Цзинчжэнь.
Ол вакциналауға негізінен халық тығыз қоныстанған аудандардың тұрғындары мұқтаж екенін атап өтті. Сондай-ақ, ол дозаны алғанын және ешқандай жанама әсерін сезінбегенін мәлімдеді.
Маусым айында Бейжің мен Уханда Sinopharm институттары әзірлеген екі белсенді емес вакцина-кандидат Біріккен Араб Әмірліктеріне клиникалық сынақтардың үшінші кезеңіне жеткізілді.
Бейжіңдегі жылына 120 миллион доза өндіретін цех тиісті ұлттық органдар тарапынан биологиялық қауіпсіздікті тексеруден өтті және өндіріске дайын. Ухандағы тағы бір Sinopharm цехы жылына 100 миллион доза өндіруге қабілетті.