Үндістанның Ченнаи қаласында Үлкен жиырмалық (G20) елдері кездесуінің қорытындысы бойынша климат жөнінде бірлескен декларацияны қабылданбады және Қытай Сыртқы істер министрлігі (ҚХР СІМ) бұған геосаяси проблемалар себеп болғанын мәлімдеді. Таяуда Қытай СІМ жариялаған мәлімдемесі Қытайдың парниктік газдар шығарындыларын азайтуға және жаңартылатын энергия көздеріне көшуге қатысты декларация тармақтарымен келіспейтіні туралы ақпаратты жоққа шығарады.
«Бұл ақпарат шындыққа жанаспайды», — делінген Қытай СІМ мәлімдемесінде. Ол кездесуде декларация бойынша келісімге қол жеткізуге геосаяси проблемалар кедергі келтіргенін атап өтті.
Қытай жүзеге аспай қалған келісімге өкініш білдіріп, басқа да дамушы елдерге климаттық сын-қатерлерге қарсы тұру үшін қолдау көрсетуге дайын екенін атап өтті. Сондай-ақ, Қытай өзара тиімді ынтымақтастық негізінде жаһандық климатты басқарудың әділ және ұтымды жүйесін қалыптастыруға белсенді үлес қосып келе жатқаны атап өтті.
28 шілдеде G20 өкілдері климаттық декларация бойынша келісімге келе алмады, атап айтқанда, 2025 және 2030 жылдарға дейінгі кезеңге парниктік газдар шығарындыларын азайту бойынша келіспеушілік туындады. Reuters агенттігінің мәліметі бойынша, дамушы елдер осындай мақсат қоюға қарсы. Үлкен жиырмалық елдерінің маңызды пункт бойынша келісімге келе алмауы ортақ келісімге қол жеткізуде сәтсіздікке алып келді.