ҚХАА жауынгерлік қолбасшылығының Шығыс аймағының WeChat әлеуметтік желісіндегі аккаунтында әскери оқу-жаттығу өткізгені туралы хабарлама жарияланды.
Қытай Халық-азаттық армиясының ресми өкілі Ши И Қытай Қарулы Күштері Тайвань маңында түрлі әскерлер мен қару-жарақ түрлерімен әскери жаттығу өткізгенін мәлімдеді.
«Қытай Халық-азаттық армиясы жауынгерлік қолбасшылығының шығыс аймағы таяуда Тайвань аралының айналасындағы теңіз және әуе кеңістігінде бірлесіп патрульдеп, тәжірибелік әскери оқу-жаттығуларды ұйымдастырды», — деп мәлімдеді әскери қызметші.
Ши И соңғы уақытта Құрама Штаттар «Тайвань тәуелсіздігін» қолдайтын сепаратистік қозғалыстарды белсенді қолдап отырғанын, бұл аймақтағы шиеленісті ушықтырып, Тайвань бұғазындағы бейбітшілікті бұзатынын атап өтті.
ҚХАА өкілі ҚХР әскері елдің егемендігі мен қауіпсіздігін қорғауға, сондай-ақ арал провинциясының тәуелсіздікке қол жеткізу әрекеттерінің жолын кесуге дайын екенін атап өтті.
Бұған дейін Оңтүстіккореялық жоғары лауазымды шенеунік Қытай Тайваньға шабуыл жасауға бел буған жағдайда АҚШ билігі қарымта жауап беруге дайын екенін хабарлады.