Қырғызстан Президенті шекарашылардың кәсіби әрекеттерінің арқасында Қырғызстанның аумақтық тұтастығына төнген қауіп-қатердің алдын алғанын айтты.
«Отанымыздың аумақтық тұтастығы мен қауіпсіздігіне қауіп төніп, бейбіт халықтың тыныштығы бұзылды. Алайда, Қырғызстан шекарашылары мен құқық қорғау органдарының дайындығы, жоғары моральдық рухы мен қаһармандығының арқасында еліміздің аумақтық тұтастығын сақтай алдық», — деп атап өтті Қырғызстан Президенті мемлекеттік шекараның қырғыз-тәжік учаскесіндегі жағдайдың тұрақтануына байланысты халыққа арнаған үндеуінде.
Оның айтуынша, егер қақтығыс ушығып кеткен жағдайда, қос тарап шығынға ұшырап, салдарынан жүздеген немесе мыңдаған отбасы жақынынан айырылушы еді. Қырғызстан Президенті қос тарап та қарулы қақтығыстың жалғасуына жол бермеуі керек екенін атап өтті. Қырғызстан президенті қақтығыс болған жерден кеткен ел азаматтарын үйлеріне қайтуға шақырды.
«Біздің мақсатымыз — халқымыздың әл-ауқаты, еліміздің аумақтық тұтастығын сақтау. Қазіргі уақытта халықты қоныстандыру процесі жүріп жатыр. Мен әрбір отбасын тұрған жерлеріне қайтуға шақырамын. Қираған және өртенген үйлерді қалпына келтіру бойынша шаралар қабылданады», — деді ол.
«Алдағы қақтығыстарды болдырмау мақсатында көрші немесе аралас ауылдарда тұратын екі жақтан да ақсақалдардан тұратын бейбітшілікті қолдау жөніндегі комиссия құруды ұсынамын», — деп мәлімдеді Садыр Жапаров.
Қырғызстан мен Тәжікстан шекарасындағы жағдай 28 сәуірде су мәселесіне байланысты жергілікті тұрғындар арасындағы қақтығыс салдарынан шиеленісіп кетті. Бейсенбі күні атыс қаруы оқ атылғаннан кейін ауданда екі елдің әскерилері арасында қақтығыстар басталды.
Қырғызстан Денсаулық сақтау министрлігі 36 азаматтың қайтыс болғанын мәлімдеді. 100-ден астам адам зардап шекті. Душанбеде тоғыз адам зардап шеккен, олардың екеуі оқ жарақатын алған.
Қарулы қақтығыс аймағынан Қырғызстанның 30 мыңнан астам азаматы эвакуацияланды.