Қырғызстанның Ұлттық қауіпсіздік комитеті жалған доллар сатумен айналысатындардың жолын кесіп, Қазақстанның екі азаматын ұстады. Қырғызстан Ұлттық қауіпсіздік комитетінің баспасөз қызметінің хабарлауынша, трансұлттық топ мүшелері Бішкектегі банк терминалдары мен айырбастау бюроларының пункттерін пайдалана отырып, жалған 100 долларлық банкноттарды «шығарып» отырған.
Қырғызстан Ұлттық қауіпсіздік комитетінің қызметкерлері жүргізген операция барысында құны 45 доллар болатын қолдан жасалған банкноттар түріндегі 100 мыңнан астам АҚШ доллары анықталып, тәркіленді. Топ мүшелері жалған ақшаны «жылыстату» үшін «Оптима Банк» ААҚ терминалдарын белсенді пайдаланған, сондай-ақ оларды Бішкектегі ақша айырбастау пункттеріне сатқан.
Қазіргі уақытта топтың барлық мүшелері ұсталды, Қырғызстанның төрт азаматы және Қазақстанның екі азаматы тергеу изоляторында жатыр. Күш құрылымдары заңсыз топқа қатысы бар басқа адамдарды анықтау мақсатында жедел-тергеу шараларын жүргізіп жатыр.