YouTube видеоның астындағы дизлайк санын алып тастайды, алайда дизлайк қоюға болады.
Барлық видеоның астында «Ұнамайды» бастырмасын басқандардың саны көрсетілмейді. Роликтің авторы YouTube Studio-дан оның санын көре алады. Бұл оған қолданушылардың көңілінен шығу үшін жұмыс істеуге мүмкіндік береді.
Адамдар көбінесе дизлайктың санына байланысты видеоны қарамай өткізіп жібереді. Әзірлеушілердің айтуынша, жаңа ережелер қолданушылар мен контент иелеріне қоқан-лоқысыз пікірін білдіре алатын қоғамдастық құруға көмектесуге арналған.
Фото: YouTube өзгертулер енгізілді, енді видеоның астында дизлайк көрсетілмейді
Жазда компания эксперимент жүргізіп, дизлайк саны болмауы қолданушылардың мінез-құлқына оң әсерін тигізетінін анықтады. Олар тек авторға деген көзқарасының нашарлығынан ғана «ұнамайды» бастырмасын баспайды.
Бұл өзгеріс барлық пайдаланушыларға біртіндеп енгізілетін болады.