Евгений Пригожин бастаған бүлік сәтсіз аяқталғанына қарамастан, «Вагнер» жеке әскери компаниясы (ЖӘК) Украинадағы соғысқа жіберу үшін күллі Ресей бойынша жауынгерлерді белсенді түрде тартуды жалғастыруда, деп хабарлайды ВВС дереккөзге сілтеме жасап.
BBC журналистерінің ақпаратына сәйкес, олар зерттеу жүргізіп, Ресей аумағында орналасқан әскер қатарына қосу орталықтарына қоңырау шалған. Олар ағасының өтініші бойынша хабарласып тұрғанын айтып, «Вагнер» қатарына қосылып, Украинаға қарсы соғысқа аттану туралы сұрақ қойған.
Мұндай жағдайлардың бірі Мурманск қаласында орын алды, онда «Викинг» спорт клубында жұмыс істейтін әйел клуб әлі күнге дейін Украинаға жауынгерлерді жіберу үшін шақырып жатқанын растады.
Басылымның мәліметі бойынша, «Вагнерге» қатысы бар адамдар негізінен жекпе-жек мектептері мен бокс клубтарын қоса алғанда, жауынгерлік клубтардың өкілдері.
Сауалнамаға қатысқан адамдардың кейбіреулері жаңадан қосылған жауынгерлер Ресейдің Қорғаныс министрлігімен емес, «Вагнер» командасымен келісімшарт жасасып жатқанын айтты.
Волгоградтағы «Спарта» спорт клубы былай деп мәлімдеді: «Қорғаныс министрлігінің бұған ешқандай қатысы жоқ. Ештеңе өзгерген жоқ, біз адамдарды соғысқа жіберу үшін шақырып жатырмыз «.
Краснодардағы жауынгерлерді әскерге шақырып жатқан әйел: «Біз жұмыс істеп жатырмыз. Егер өзгеріс болып жатса, хабарын береміз. Бірақ әзірге тыныш».