КСРО ыдырағаннан бері алғаш рет РФ-да президент сайлауы кезінде Ресей аумағы бойынша Украина Қарулы Күштері қарымта шабуыл жасап, жарылыс, өрт болып, сарбаздар жаппай тұтқынға алынуда.
Тұрақты шабуылдар мен жауынгерлік іс-қимылдар Ресей Федерациясының аумағына өтуіне байланысты сайлаудағы ахуал қиындай түсуде. Бірнеше күн бойы «АРЛ» және «ОЕК» отрядтарынан тұратын ресейлік сарбаздар Белгород облысының аумағында Теткино елді мекеніндегі позицияларды басып алып, ұрыс қимылдарын жүргізуде. Өңірде әуе дабылы сигналы қағылуда, ал тұрғындар эвакуациялануда. Сондай-ақ, Telegram-парақшаларда Сібір батальоны әскерилері Чечен Ичкерия Республикасының еріктілерімен бірге РФ Белгород облысының Горький әкімшілігін басып алғанын хабарланды.
Сонымен қатар, украиналық арнайы қызметтер РФ бойынша мұнай өңдеу нысандарына дронмен соққы берудеа. Bloomberg рейтингтік басылымының мәліметі бойынша, 2024 жылғы наурыз айында екі күн ішінде Украина мұнай өнімдерін қайта өңдеу қуатының 12%-ын жойды. Ақпан айында әрбір бесінші МӨЗ украиналық ұшқышсыз басқарылатын ұшақтардың шабуылына ұшырады, ал 15-17 наурызда өткен сайлауда БАҚ-қа Калуга облысындағы МӨЗ, Самара облысындағы Сызран және Новокуйбышев МӨЗ және Славянск-на-Кубан зауыт шабуылға ұшырағаны туралы хабарламалар таратылған еді. Осылайша, бір апта ішінде зауыттар бойынша 6 шабуыл жасалды, ал жалпы саны 30 МӨЗ-дің 12-сі зақымданған, ал украиналық әскерилер зақым кедтірген МӨЗ-дердің жалпы статистикасы 40%-ға жақындады.
Украина Бас барлау басқармасы (БББ) хакерлер онлайн-дауыс беру жүйесінде ақау тудырғанын хабарлады, бұл өз электронды дауыс беру нәтижесіне күмән келтіреді.
Бұл оқиғалар Украина Владимир Путин биліктен кеткенге дейін шабуылдауды тоқтатпайтынын және бейбіт келіссөздер жүргізбейтінін, ал Путин әскерлері көршілес тәуелсіз мемлекетті басып алу әрекеттерін жалғастыратынын айқын көрсетеді. Путиннің президент болып қайта сайлануы ресейліктердің қорқынышын арттырып, соғыс оты олардың аумағында тұтанатынына алып келеді.
Белгілі болғандай, Қазақстандағы РФ президентінің сайлауы 2024 жылғы 17 наурызда таңғы сағат 08:00-де Астана, Орал, Алматы, Приозерск және Өскемендегі сайлау учаскелерінде басталды.
Ресей Федерациясындағы сайлау учаскелерінде болған жаппай тәртіпсіздіктер, соның ішінде дауыс беру кабиналарын өртеу, бюллетеньдерді бүлдіру, тұтқындау және т.б. жағдайларды ескере отырып, Қазақстандағы сайлау орындары ҚР полицейлерінің бақылауында болды.
Алматыдағы РФ Бас консулы «Спутник» басылымына берген сұхбатында Ресейдің жарқын болашағы үшін дауыс беруге шақырды. Шетелдік учаскелердегі экзит-полл деректері бойынша Владислав Даванков көш бастап тұр, себебі шетелде жүрген ресейліктердің басым бөлігі Украинаға қарсы соғысты тоқтатуды және Кремльдің репрессиясына қарсы.