Украинаны ЕО құрамына қосу бойынша келіссөздер жақын арада басталуы мүмкін, деп хабарлады ГФР.
«Украинаның ұйымға қосылуға қатысты перспективасы қарқын алуда. Жақын арада келіссөздер басталуы әбден мүмкін. Ұйымға қосылу қарқыны Украинаның реформа жүргізуге даярлығына байланысты», — деп мәлімдеді Германияның сыртқы істер министрлігі жанындағы климат және Еуропа жөніндегі мемлекеттік министр Анна Люрманн Rhenishe Post басылымына берген сұхбатында.
Ол Киевке сапары кезінде қол жеткізілген прогреске таңырқағанын, сондықтан Украинаның «осы реформаторлық серпінді» сақтап қалуы маңызды екенін атап өтті.
Украина астанасына сапары аясында министр халықтың жылусыз және электр энергиясыз өте ауып жағдайда екенін еске алып, Германия, атап айтқанда, Франциямен бірлесіп Украина үшін қысқы көмек ұйымдастыруы керек екенін айтты.
Люрманн ЕО Украинаның қорғаныс қабілетін «одан да жақсарту үшін Украинаға көп көлемде қару-жарақ жеткізуі тиіс екенін айтты.