«Одесса», «Черноморск» және «Южный» порттарынан 151,5 мың тонна ауыл шаруашығы өнімдері тиелген 7 құрғақ жүк таситын кеме шығып, Азия мен Еуропа елдеріне аттанды.
Бұл туралы Украинаның Инфрақұрылым министрлігі Facebook-тегі парақшасында хабарлады.
«Украина азық-түлік тиелген алғашқы кеме шыққан сәттен бастап 2,9 млн тонна ауыл шаруашылық өнімдері экспортталды. Украина порттарынан Азия, Еуропа және Африка елдеріне ауыл шаруашылық өнімдері тиелген 129 кеме шықты.
Еске салайық! Дүйсенбі күні БҰҰ Дүниежүзілік азық-түлік бағдарламасы жалдаған балкер IKARIA ANGEL «Черноморск» портына келді — тиелген 30 мың тонна бидай Эфиопияға жеткізіледі.
«Астық бастамасы» аясында 12 қыркүйекте «Одесса», «Черноморск» және «Южный» порттарынан 163,8 мың тонна ауыл шаруашылық өнімдері тиелген 9 кеме шықты — олар Азия және Еуропа елдеріне аттанды. Дүйсенбі күні Үлкен Одесса порттары 13 кемені жүк тиеуге қабылдауды жоспарлап отыр.