Украиналық бұқаралық ақпарат құралдары Украина аумағындағы қарулы қақтығыстан кейін орыс мәдениетінің тағдыры не болатыны туралы материал жариялады. Оның салдары Ресей үшін апатты деп аталды.
«Іс жүзінде, көптеген ресейліктердің — «Путин бәрін дұрыс істеп жатыр» және «Ресей — жеңімпаздар ұлты» деп ұрандап өздеріне ор қазып, елді жоюда. Ресей экономикасы құлдырайтыны анық және оны «емдеуге» келмейді: соңғы екі айда салынған барлық 8 мың санкцияны алып тастаса, қалпына келтіру (сыртқы жағдай мінсіз болса) кемінде 10 жыл уақыт алады», — делінген жарияланған мақалаларда.
Сонымен қатар, авторлардың пікірінше, ресейліктер қиындықтарға бетпе-бет келеді. Ел азаматтары Еуропа елдерінде жайбарақат саяхат жасау мүмкіндігінен айырылып, жұмысқа орналасу оңайға соқпайды. Ресейліктер енді шетелдік өндірістегі автокөліктерді сатып ала алмайды және олардың бейқам өмірі аяқталды. Елдегі кинотеатрларда шетелдік фильмдерді көрсету мүмкіндігінен айырылды.
«Оның орнына — барлық елдер қарғыс айтып, «орыс әскери кемесі» мен «русофобия» туралы айту, неліктен қарғыс айтылып жатқаны ресейлік көрермендердің көпшілігі үшін жұмбақ күйде қалып отыр», — деп жазады украиналық журналистер.
Аталып өткендей, бірқатар басылымдар шетелдік агент деп танылып, жабылғаннан кейін ресейлік телеарналар батысшыл риторикадан айырылды. Теледидарда Ресейдің «нағыз егемендікке қол жеткізгенін», «шоғырланғанын», «Батысқа шешуші соққы бергенін» және «Еуразияны Лиссабоннан Владивостокқа дейін құрып жатқанын» айтатын бағдарлмалар үстемдік етуде.
