Соғыс басталғалы 9 айдан кейін Ресей билігі Украинадағы соғыс қимылдарының сәтті өтетініне еш күмән жоқ деп отыр. Батыстық сарапшылардың пікірінше, бұл шындыққа жанаспайды. «РФ үшін бірқатар жеңілістерден кейін соғыс . Өз кезегінде Ресей президентінің елдегі және халықаралық аренадағы беделі айтарлықтай зардап шекті», — деп жазады батыстық сарапшылар.
Украиналық саяси технологтар елдегі билеуші режим үшін қауіпті деп санайтын факторлардың тізімін дайындады. Атын атамаған сарапшылар аталған мәселеге қатысты өз тұжырымдарын жариялады.
Фото: Батыс сарапшылары Ресейдің Украина аумағындағы жағдайы туралы өз пікірлерімен бөлісті
«Путинге «абыройын сақтап қалуға» және беделін соғысқа дейінгі деңгейде ұстап тұруға мүмкіндік бермейтін бірқатар себептер бар, бұл қолданыстағы режим үшін әсіресе 2024 жылы өтетін Ресей президенттік сайлауы қарсаңында өте қауіпті.
- Соғыс басталғалы 9 айдың ішінде Путин Украина үкіметінің күш қолданып биліктен кетіре алмады. Ұрыс қимылдары басталғанда Киевке дейін жеткен Ресей әскері елдің шығысына шегінді. Украина әскері бірқатар сәтті қарымта шабуылдар өткізді. Соның нәтижесінде барлық дерлік Харьков облысы мен Херсон облысы орталығы бақылауға алынды.
- Ресей экономикасының құлдырауы және елдің әлемнен оқшаулануы. РФ-дағы дефляция мен бюджет профицитіне қарамастан, Украинаның серіктестері Ресейге қарсы салған санкциялары нәтиже беруде. Әрине санкциялар РФ экономикасын бірден құрдымға жіберуге қабілетті емес, бірақ олардың орташа және ұзақ мерзімді перспективада әсері зор болады. Ресейлік «Сбербанк» басшысы Герман Греф коронавирус пандемиясы мен одан кейінгі санкциялар Ресей экономикасын 2021 жылғы көрсеткішке алдағы он жылда қайта оралуға мүмкіндік бермеуі мүмкін деп мәлімдеді. Сондай-ақ ресейлік нарықтан түрлі компаниялар кетіп, өздерімен бірге жұмыс орындарын, инвестицияларды және т.б. алып кетіп жатыр.
Фото: Батыс сарапшылары Ресейдің Украина аумағындағы жағдайы туралы өз пікірлерімен бөлісті
- Орасан зор техника мен адам шығындары. Oryx порталы интернет кеңістігіндегі фото мен видеолар негізінде анықталған РФ-ның қару-жарақ шығыны 8023 бірлікті құрайтынын көрсететін деректерді келтірді. Яғни, бұл расталған минималды шығындар. Украина Қорғаныс министрлігінің мәліметі бойынша, жау күштерінің 90 000-нан астам сарбазы жер жастанған. Ресей әскері көктемнің соңынан бастап жауынгерлік күшін Бахмут маңындағы шағын елді мекендерге жіберіп жатыр.
- Ресейдегі мобилизация. Путин 21 қыркүйекте ішінара мобилизация жариялады, оның барысында 300 000 адам әскерге шақырылуы керек болды. Украина қолбасшылығының ақпараты бойынша, Кремль жасырын мобилизация жаңа толқынын биыл желтоқсан айының бірінші жартысында өткізуге дайындалып жатыр.
- Жаппай зымыран шабуылынан кейін Ресей әлемдік қоғамдастықтың алдында террористік мемлекеттің сыбайласы ретінде Иран және Солтүстік Корея секілді елдермен бір қатарда тұрды. Аталған елдер ғана Ресейдің одақтастары, Беларусьті есептемегенде», — деп жазады батыс сарапшылары Украина төңірегіндегі жағдайға қатысты.