Львов мэрі Андрей Садованың хабарлауынша, Львов қаласында 89 жасқа қараған шағында диссидент, Украина көтерілісші әскерінің қолбасшысы Роман Шухевичтің ұлы және Украина халық батыры Юрий Шухевич қайтыс болды.
«89 жасқа қараған шағында Украина халық батыры, диссидент, Украина Хельсин тобының мүшесі Юрий Шухевич бақилыққа аттанды. Ұлы украиндықтың есімі мәңгі есте», — деп жазды Садова әлеуметтік желідегі парақшасында.
БАҚ-тың хабарлауынша, Шухевич 22 қарашаға қараған түні қайтыс болған. Өмірінің соңғы минуттарын Германияда өткізді, ол сол жақта ем қабылдап жатқан.
Анықтама: 1933 жылы 28 наурызда Львов облысы Оглядов ауылында дүниеге келген. Ол белгілі украиналық саяси қайраткер, диссидент, VIII шақырылымдағы Украинаның халық депутаты, Украина Хельсин тобының мүшесі болды және өмірінің 28 жылын КСРО-дағы түрмелерде және лагерьлерінде саяси тұтқын ретінде өткізді. 1990 жылы УҰА-УХӨҚ (Украина ұлттық ассамблеясы — Украина халықтың өзін өзі қорғау) құрып, оны 1994 жылға дейін басқарған.
2006 жылдың тамыз айында президент Виктор Ющенко Юрий Шухевичке Украина Халық Батыры атағын берді.