Украинаның Бас дипломатиялық ведомствосы Анкара Ресейге Босфор арқылы С-300 тасымалдауға рұқсат бергені туралы ақпаратқа жауап берді.
Министрлік түрік тарапына Босфор бұғазы арқылы тасымалданған жүк туралы ақпарат беру туралы сұрау жолдады.
Украина Сириядан РФ-ға Босфор арқылы С-300 зениттік-зымыран кешені тиелген Sparta II кемесі өткені туралы ақпаратқа байланысты Түркияға ресми үндеу жолдады. Бұл туралы Украина Сыртқы істер министрлігінің баспасөз қызметі мәлімдеді.
Атап өтілгендей, 29 тамызда Украина Сыртқы істер министрлігіне Түркия елшісі Ягмур Ахмет Гюльдер шақырылды.
«Министрдің орынбасары Николай Точицкий Украина елшісіне РФ қорғаныс министрлігі жалдаған Sparta II кемесімен Сириядан Ресейге С-300ПМУ-2 зымыран жүйесін Босфор бұғазы арқылы тасымалданғаны туралы ақпаратқа байланысты алаңдаушылық білдірді», — делінген мәлімдемеде.
Түркия елшілігіне Украинаның вербалды нота табыс етілді. Сондай-ақ, СІМ түрік тарапына Босфор бұғазы арқылы Sparta II кемесімен тасымалданған жүк туралы ресми ақпарат беру туралы сұрау жолдады.
Украина Сыртқы істер министрлігі Түркия Монтрё конвенциясының ережелерін бұзып, Sparta II кемесін өткізді деп есептейді. Аталған конвенция Босфор және Дарданелла бұғаздары арқылы әскери кемелердің өтуін реттейді. 2022 жылғы 28 ақпанда Түркия Конвенцияның ережесін сақтап, аталған бұғаздар арқылы ресейлік әскери кемелердің өтуіне тыйым салды.