Украина билігі республика аумағындағы ресейлік меншікті ұлттандыруды жоспарлап отырғанын мәлімдеді. Тиісті заң жобасын Жоғарғы Рада қабылдады.
Бұл туралы телемарафон кезінде премьер-министр Денис Шмыгаль мәлімдеді.
«Украинада Ресейге тиесілі бірқатар бизнес бар. Ұлттандыру туралы заңнама қабылданғаны сөзсіз. Біз бұл процесті осы кірістердің есебінен РФ бізге келтіретін шығындардың бір бөлігін өтеу үшін бастадық», — деп хабарлады Премьер-Министр.
Бұдан бөлек, Украина шетелде бұғатталған ресейлік активтердегі қаражатты алмақшы.
Айта кетейік, халық қалаулылары Ресей-Украина соғысын жария түрде жоққа шығарып жатқан немесе қолдап отырған Ресей азаматтары мен украиндықтарға тиесілі мүлікті ұлттандыру тәртібін айқындайтын заңды мақұлдады. Бұған дейін Жоғарғы Рада ресейлік компаниялардың, заңды және жеке тұлғалардың активтерін ұлттандыру туралы заң жобасын қабылдаған болатын.
