Украина президенті кеңсесінің басшысы Андрей Ермак Украина Қытай ұсынған бейбіт жоспарды қабылдамайтынын хабарлады.
Президент кеңсесі Ресей өз мақсаттарында «әрдайым бітімге келуді пайдаланатынын» атап өтті.
ПК басшысы Андрей Ермак Украина билігі Қытайдың «бейбіт» жоспарын қамтитын Украинадағы атысты тоқтату туралы ұсыныстарға күмәнмен қарайтынын мәлімдеді. Бұл туралы ол Newsmax компаниясына берген сұхбатында хабарлады.
«Біз бұған келіспейміз… себебі Ресей жаңа аннексияға, жаңа агрессивті әрекеттерге дайындалу үшін әрдайым атысты тоқтатуды пайдаланады. Біз бұл сигналға сенбейміз», — деп атап өтті Ермак.
Сонымен қатар, ол Украина президенті Владимир Зеленский ҚХР төрағасы Си Цзиньпинмен кездесуге дайын екенін мәлімдеді. Сонымен қатар, ПК басшысы Украина лидері РФ президенті Владимир Путинмен келіссөз жүргізетінін не жүргізбейтінін айтпады.
Ермактың айтуынша, Украина бейбітшілік пен «толық аумақтық тұтастықты» армандайды.
Еске сала кетейік, 24 ақпанда Қытай СІМ Украинадағы қақтығысты реттеу бойынша 12 тармақтан тұратын жоспар жариялаған болатын. Атап айтқанда, ол соғыс қимылдарын тоқтатуды, эскалациядан бас тартуды және Мәскеу мен Киев арасындағы келіссөздерді қайта бастауды көздейді.