Үш ел бірлескен мәлімдемеге қол қойды, онда олар Ресей Федерациясының өзін-өзі жариялаған ЛХР мен ДХР республикаларының егемендігін мойындауын айыптады.
Аталған елдердің басшылары халықаралық қауымдастықты РФ-ға қарсы санкциялар топтамасын, оның ішінде «Солтүстік ағын-2» газ құбырына қарсы шараларды қамтитын батыл шешім қабылдауға шақырды
Украина, Польша және Литва Ресейдің Донецк және Луганск халық республикаларын тану туралы шешімін айыптайтын бірлескен мәлімдемеге қол қойды. Бұл туралы сәрсенбі күні Украина президентінің кеңсесі Владимир Зеленскийдің польшалық және литвалық әріптестері Анджей Дуда және Гитанас Науседамен Киевте өткен кездесуінің қорытындысы бойынша хабарлады.
«Біз, Украина, Литва Республикасының және Польша Республикасының президенттері — Люблин үшбұрышы елдері Киевте 2022 жылғы 23 ақпанда кездестік және Ресей Федерациясының Украинаның уақытша басып алынған аумақтарындағы — Луганск Халық Республикасы мен Донецк Халық Республикасы деп аталатын квазимемлекеттік құрылымды тану туралы шешімін батыл түрде айыптаймыз»
Президенттер халықаралық қауымдастықты РФ-ға қарсы санкциялар топтамасын, оның ішінде «Солтүстік ағын-2» газ құбырына қарсы шараларды қамтитын батыл шешім қабылдауға шақырды.
Литва мен Польша жариялаған мәлімдеме мәтініне сәйкес олар «Украинаның еуропалық перспективасын қолдайтынын» растады. «Біз [Украинаның ЕО-мен қауымдастығы және ішкі реформалар туралы келісімді имплементациялаудағы прогресті, сондай-ақ қауіпсіздікке төнген сын-қатерлерді ескере отырып, Украина ЕО-ға мүшелікке кандидат мәртебесіне лайық екенін атап өтеміз. Литва және Польша Республикасы да осы мақсатқа қол жеткізуде Украинаны қолдайтын болады», — делінген мәлімдемеде.
Республикаларды тану
17 ақпанда таңертең Донбастағы түйісу желісіндег жағдай ушығып кетті. Донецк және Луганск халық республикаларында Украина тарапы оқ ата бастағаны хабарланды. Олар бірқатар азаматтық инфрақұрылым нысандарын қиратты, бейбіт тұрғындар арасында құрбан болғандар бар.
Ресей президенті Владимир Путин 21 ақпанда Донецк және Луганск халық республикаларының егемендігін мойындағанын мәлімдеді. Олардың басшыларымен достық, ынтымақтастық және өзара көмек көрсету туралы келісімшарттарға қол қойылды. Путин РФ СІМ-іне ДХР және ЛХР-мен дипломатиялық қарым-қатынас орнатуды, ал Қорғаныс министрлігіне олардың аумағында бейбітшілікті қамтамасыз етуді тапсырды.