Жоғарғы радада ресейлік әншілердің музыкалық шығармаларына тыйым салу туралы ұсыныс қаралады.
«Ұсыныс мақұлданған жағдайда РФ-ның Украинаға баса-көктеп кіруін айыптаған музыканттарға тыйым салынбайды», — деп хабарлайды украиналық БАҚ.
Халық депутаттары ұлттық музыкалық өнімді қолдау және РФ-ның орындаушылары мен музыкасын көпшілік алдында пайдалануды шектеу туралы 7273-д жаңа заң жобасын тіркеді. Аталған заң жобасы Украина Жоғарғы Радасының сайтында жарияланды.
Заң жобасының бастамашылары Никита Потураев, София Федина, Елизавета Богуцкая, Евгения Кравчук және басқа да халық депутаттары болды.
«Ресейдің музыкасына тыйым салу арқылы Украина аумағында музыканың көмегімен пропаганданың ықтимал қаупін азайтуға және мәдени кеңістіктегі ұлттық музыкалық өнімнің көлемін ұлғайтуға мүмкіндік береді», — делінген заң жобасына түсіндірме жазбада.
Бұл «Мәдениет туралы», «Кинематография туралы», «Теледидар және радио хабарларын тарату туралы», «Украинадағы гастрольдік іс-шаралар туралы» және басқа да бірқатар заңдарға пысықталған өзгерістер болады.
Халық депутаттары Украина аумағында РФ азаматтары мәтіні бар әндерді орындайтын фонограммаларды, бейнебаяндар мен музыкалық клиптерді көпшілік алдында орындауға, көрсетуге және көпшілікке хабарлауға тыйым салуды ұсынады.
Бірақ мұндай тыйым РФ-ның Украинаға басып кіруін жария түрде айыптаған ресейлік орындаушыларға қатысты болмайды.
