Украина қысқа мерзімді перспективада айына $4-тен 5 млрд-қа дейінгі мөлшерде қаржылай көмек қажет екенін мәлімдеді.
Бейсенбі күні Украинаның Қаржы министрлігі Дүниежүзілік банктің демеушілігімен жұмыс істейтін Халықаралық донорлардың мақсатты қорынан АҚШ пен Ұлыбританиядан 504 миллион еуро грант алғанын хабарлады.
«Бүгін Украина Дүниежүзілік банктің мақсатты қорынан гранттың бір бөлігін — €504 млн алды», — деп хабарлайды украиналық қаржы министрлігі өзінің ресми телеграм-арнасында.
«Бұл қаражат бірінші кезектегі әлеуметтік, гуманитарлық және денсаулық сақтау шығындарды жабуға, эвакуацияланған адамдарды қолдауға бағытталады», — деп хабарлады Украина Қаржы министрлігі.
Сәуір айының соңында Вашингтонда Дүниежүзілік банк ұйымдастырған дөңгелек үстелде премьер-министр Денис Шмыгаль Украинаға қысқа мерзімді перспективада айына $4-тен 5 млрд-қа дейін қаржылай көмек қажет екенін мәлімдеді.
