«Украина. 2024 жыл» форумында Қорғаныс министрлігі Бас барлау басқармасының бастығы Кирилл Буданов ресейлік оппозициялық саясаткер Алексей Навальныйдың өлімінің себебін жария етіп, оның тромбоздан қайтыс болғанын айтты.
Ол журналистерге аталған ақпарат расталғанын және бұл интернетте алынған ақпарат емес екенін атап өтті.
«Өкінішке орай, біздің білуімізше — ол шынымен де тромбоздан қайтыс болды. Бұл ақпарат расталды. Біздің білетініміз осы. Бұл ақпарат интернеттен алынбағанын айта кетейін, бірақ, өкінішке қарай, бұл табиғи [өлім]», — деді Буданов.
Еске салайық! Навальный Ямало-Ненец автономиялық округінің Харп кентіндегі № 3 түзеу колониясында қайтыс болды. Жергілікті билік оппозициянер серуеннен кейін өзін нашар сезініп, есінен танып құлап қалғанын хабарлады. Реанимациялық шаралар сәтсіз болып, Навальный қайтыс болды.