Украинаның Бас барлау басқармасы (БББ) Кремль Украина мәселесіне қатысты өз ұстанымын өзгертпейтінін хабарлады.
БББ Қорғаныс министрлігінің өкілі Вадим Скибицкий Ресейдің Украинадағы соғысы қыс мезгіліне дейін жалғасады деп мәлімдеді.
«Соғыс қимылдары ұзаққа созылады. Белсенді кезең қыркүйек немесе қазан әлде жыл соңына дейін жалғасады, — бұл біздің тойтарыс беруімізге, қорғаныс күштеріміздің жағдайына және бізге көрсетілетін көмекке байланысты», — деп атап өтті Скибицкий.
Бұл ретте барлау қызметі 11 қыркүйекте РФ-да дауыс беру күні псевдореферендум немесе басып алынған аумақтарда басқа да іс-шаралар өтуі мүмкін деп отыр.
Сонымен қатар, 7 қазанда Путин 70-ке толады, осыған байланысты ресейлік әскерилер оған туған күнін «сыйлық» жасағысы келеді, деп хабарлайды БББ.
«Жыл соңында қыста күн суытады, сондықтан Украина келіссөздер процесі жүргізеді деп айтылып жатыр», — деді Скибицкий.
Ведомствоның мәліметінше, қазір РФ әскері Украинаның шығысындағы УҚК-ны қоршауға алып, Луганск және Донецк облыстарының әкімшілік шекараларына шығу міндетін қойып отыр. Барлаушылар белсенді ұрыс қимылдары жыл соңына дейін созылады деп есептейді.
«Оның (Путиннің) Ресей империясын қайта жаңғыртуға қатысты өз жоспарлары бар, ол мұны бүкіл әлемге мәлім етті. Оны шетелдік мемлкет басшылары, саяси элиталар, РФ экономикалық блогының өкілдері, олигархтар сендіруге көндірмек болды», — деп мәлімдеді Скибицкий.
