Нидерланды Сыртқы істер министрі Вопке Хукстра Украинаға көбірек қару жеткізу керек екенін мәлімдеді. Бұл Киевке соғыс алаңында позицияларын ұстап тұруға септігін тигізеді.
«Украина барынша көп әскери қолдау мен қару-жараққа мұқтаж», — деп жазды министр Twitter-де украиналық әріптесі Дмитрий Кулебамен телефон арқылы сөйлесу қорытындысы бойынша.
Хукстра атап өткендей, Нидерланд «Украинаға соғыс алаңындағы позицияларын ұстап тұру үшін қолдан келген келген көмек көрсетуге күш салады».
Нидерланды Қорғаныс министрлігі бұған дейін 2022 жылы Украинаға шамамен €1 млрд көлемде әскери көмек көрсеткенін хабарлады. 2023 жылы Нидерланд украиналық тарапты гуманитарлық және әскери қолдауға, инфрақұрылымды жөндеу мен қалпына келтіруге, дипломатиялық желі бойынша көмек көрсетуге және соғыс қылмыстарына кінәлі адамдарды жауапқа тартуға €2,5 млрд бөлуді жоспарлап отыр.