Оларды қолдану үшін 200-ден астам украиналық артиллерист оқыту бағдарламасынан өтті.
Украинаға жіберілген гаубицалардың саны АҚШ беруге міндеттелген жалпы санының 80%-ын құрайды. Сондай-ақ, АҚШ әскерилері 200-ден астам украин сарбазы оқыту бағдарламасынан өткенін хабарлады. Бұл туралы CNN АҚШ Қорғаныс министрлігінің жоғары лауазымды өкіліне сілтеме жасап хабарлады.
«170-тен астам украин әскерилері М777 гаубицасы бар бірнеше полигонда жаттықты, 50-ден астам адам оқуын аяқтады. Жалпы алғанда біз М777-ге 200-ден астам украиналық артиллеристтерді дайындадық», — деді шенеунік.
Ол 50-ден астам украиналықтар бар тағы бір топ M777 гаубицасында оқуды бастау үшін Украинадан тыс полигондардың біріне келетінін айтты.
Сондай-ақ, АҚШ Қорғаныс министрлігі өкілінің айтуынша, 1 мамырда 20 украиналық әскери топ Phoenix Ghost ұшқышсыз ұшу аппараттарымен жұмыс істеу бойынша апталық оқыту курсын бастады.
Шенеунік соңғы 24 сағатта Еуропаға Украинаны қорғау үшін 13 рейс келгенін, ал келесі 24 сағаттың ішінде өңірге АҚШ-тан тағы да 11 рейс ұшып келетінін айтты.