Жамбыл облысы Жуалы ауданында учаскелік полиция инспекторы тасжолда тоңып қалған үш жүргізушіні құтқарып, ерлік көрсетті.
Инспектор аумақты патрульдеу барысында, қатты аязда қозғалтқыштары өшіп қалған үш жүк көлігін көрген. Олардың дизельдік отындары таусылып қалған, ал қатты аязда жақын маңдағы жанар-жағармай құю бекетіне дейін жаяу бару мүмкін емес еді.
Полиция қызметкері жанармай құю бекетіне барып, жанармай әкеліп қана қоймай, ер адамдарды үйіне әкеліп, жылытып, кешкі ас және ыстық шай берген.
Жақсылап жылынған жүргізушілер учаскелік инспектор мен оның отбасына өздеріне мүлдем таныс емес адамдарды үйлеріне жылы қарсы алып қана қоймай, оларды ажалдан аман алып қалғандары үшін алғыстарын білдірді.