Мемлекеттік айыптаушы Астанада өткен сотта Салтанат Нүкенованың өлімі бойынша істің алдын ала тыңдау барысында сөз сөйледі.
Прокурор Айжан Аймағанова Нүкенова мен Бишімбаевтың ресми түрде некеде тұрмағанын атап өтті. Олар діни жолмен некесін қиған және ҚР заңнамасында белгіленген тәртіппен тіркелмеген.
«2022 жылғы 16 желтоқсанда Бишімбаев пен Нүкенованың үйлену тойын өтті, алайда олар ресми түрде некесін тіркемеген, азаматтық некеде тұрды. Бішімбаев бірге тұра бастағаннан бері Нүкеновамен қарым-қатынаста оның көзқарасын елемей, ашушаң, агрессивті және өзімшіл бола бастады. Бишімбаев Нүкеноваға туыстарымен және құрбыларымен сөйлесуге және кездесуге тыйым салды, оның барлық телефон қоңырауларын, SMS-хат алмасуларын, сондай-ақ оның жүріп-тұруын бақылап отырған. Сондай-ақ ол сол кезде оған жақсы ақшалай табыс әкелетін, сол арқылы оны дербестігінен және онымен қарым-қатынаста өз ойы болу құқығынан айыратын табысты қызметпен айналысуға тыйым салды. Ол оны толығымен материалдық жағынан өзіне тәуелді адамға айналдырды», — деп хабарлады прокурор.
Тергеу органдары Бишімбаев Нүкеновамен бірге тұрған кезде қызғаныш үстінде ұрып-соққанын анықтады.
«Мәселен, 2023 жылғы наурыздың ортасында тергеу нақты күні анықтамады, Бишімбаев өз үйінде отырып, Нүкенованы жүйелі түрде қызғаныш пен агрессивтілік негізінде ұрып-соғып, атап айтқанда, қолымен, аяғымен денесіне және бетіне ұрып, сол арқылы оның денсаулығына зақым келтірген. 2023 жылы 20 наурызда Нүкенова Бишімбаевтың келтірген дене жарақаттарын ұялы телефонына суретке түсіріп, WhatsApp мессенджері арқылы ағасы Амангелдіге жіберіп, ештеңе сұрамауды және ешқандай қадам жасамауды сұраған. Алайда Амангелді Нүкенованың соққыға жығылғанын көріп, олардың үйіне барып, Бишімбаевпен сөйлесіп, Нүкенованы онымен ажырасуға көндірді», — деді прокурор.
Алайда, мемлекеттік айыптаушының айтуынша, Нүкенова Бишімбаевпен бұрынғы қарым-қатынасты қалпына келеді деп үміттеніп, бас тартқан.
«2023 жылдың сәуір айында Бишімбаев Нүкенованың туыстарында оның бет-әлпетін ұрып-соққан суреті бар екенін біліп, егер олар ажырасатын болса, оны осы фотосуреттермен бопсалауы мүмкін деп болжап, Нүкеновадан оның жалаңаш күйде интимдік видео түсіруді талап еткен, бұл оның кепілдігі болатынын түсіндірді.
2023 жылғы 9 қарашада бұрынғы министр Қуандық Бишімбаев 8 қараша күні кешкісін Астанадағы мейрамханалардың бірінде әйелін өлтірді деген деген айып бойынша ұсталды.
Мейрамханадағы келушілер арасында жанжал шығып, салдарынан бір әйел қайтыс болғаны хабарланды. Қаза тапқан павлодарлық Салтанат Нүкенова болып шықты.
Әуел баста күдіктіге тек бір ғана бап — ҚР ҚК-нің 99-бабы, 2-бөлігі «Аса қатыгездікпен жасалған кісі өлтіру» бойынша айып тағылды. Алайда кейіннен оған да азаптау (ҚР ҚК 110-бабы, 2-бөлігі) бабы бойынша айып тағылды. Сондай-ақ, сотталушыға ҚР ҚК 14-бабы, 2-бөлігі «Аса ауыр қылмыстың қайталануы» бойынша айыпиалды. Экс-министрдің туысы, «Гастроорталықтың» директоры Бақытжан Байжановқа қатысты ҚР ҚК 432 «Жасыру» және 434 «Қылмыс туралы хабарламау» баптары бойынша тергеу амалдары аяқталды.