Шымкенттегі әйелдерге қолдау көрсететін «Көмек» дағдарыс орталығы тышқан қаптап кетуіне байланысты уақытша жабылды, деп мәлімдеді әлеуметтік мекеменің басшысы Малика Абдрашевна. Оның айтуынша, тышқандардың пайда болуына қолайлы ауа райы мен жақын жердегі Қошқар ата өзені себеп болды.
«Оқиға Жаңа жылдан кейін болды. Біз тұрғындарымызды мұндай жағдайда өмір сүруіне жол бере алмадық. Барлық тұрғындарды еріктілер мен біздің қызметкерлер үйлеріне алып кетті. Біз көмек көрсеткендердің барлығына алғыс білдіреміз. Өкінішке қарай, біз Шымкент әкімдігіне жүгінген жоқпыз, себебі көп жылдар бойы олардан қаржылай қолдау алған жоқпыз», — деді Малика Абдрашевна.
Дезинфекциялау жұмыстары жалғасуда және орталық келесі аптада ашылады деп жоспарлануда. Дағдарыс орталығының мекен-жайы: Ломоносов көшесі, Водопьянов көшесінің қиылысы, 1б, Молда Мұса атындағы № 5 мектептің жанында. Орталық тұрмыстық зорлық-зомбылықтан аман қалғандардың барлығына көмек көрсетуге дайын.