Амур өңіріндегі Транссібір темір жолында апат болды: Горелый-Бамовская учаскесінде жүк пойызының вагондары рельстен шығып, пойыз қозғалысы уақытша тоқтатылды. Забайкалье темір жолы қызметінің ақпараты бойынша, аталған оқиғаға жеңіл көліктің теміржолға шығып кетуі себеп болған.
Алдын ала деректер бойынша, локомотив бригадалары арасында зардап шеккендер жоқ, алайда жеңіл көліктің жүргізушісі ауруханаға жатқызылды.
Оқыс оқиғаның салдарын жою үшін оқиға орнына Сковородино, Ерофей Павлович және Могоча станцияларынан арнайы қалпына келтіру пойыздары жіберілді. «РТЖ» ААҚ-да жедел штаб құрылды, ал Сковородинск көлік прокуратурасы вагондардың рельстен шығу фактісін тексеруді бастады.
Қадағалау органдары теміржолдың 7234 шақырымында 20 бос вагон рельсен шыққанын хабарлады. Жеңіл автокөліктің жүргізушісі госпитальда жатыр, ал Владивосток — Мәскеу бағытындағы № 1 жолаушылар пойызының қозғалысы кешігеді деп күтілуде.