Трамп егер сайлауда жеңетін болса, АҚШ әскерлерін бірқатар елдерден шығаруға уәде берді
АҚШ-тың бұрынғы президенті Дональд Трамп қайта президент болып сайланатын болса, бірқатар елдерден АҚШ Қарулы күштерін шығаратынын жариялады. Оның айтуынша, әскери қорғанысқа жұмсалатын шығындар тиімсіз болып отыр және америкалық фермерлерге зиын келтіретін жарлықтар қабылданды.
Трамп АҚШ бірқатар елдерді қорғауға миллиардтаған доллар жұмсайтынына наразылық білдірді, ал олардың көбі АҚШ алдындағы қаржылық міндеттемелерін орындамайды. Ол бұл елдердің басым бөлігі америкалықтардың қолдауына қарамастан, АҚШ-пен қарым-қатынасы жылы емес екенін атап өтті.
Трамптың айтуынша, АҚШ әскерлері дереу отанына қайтарылады және Құрама Штаттар енді бұл елдердің қауіпсіздігін қамтамасыз етуге қаражат жұмсамайды.
Сонымен қатар, Трамп тыңайтқыш бағасын төмендетіп, қазіргі президент Джо Байден әкімшілігінің америкалық фермерлерге зиян келтіретін жарлықтардың күшін жоюға уәде берді.
Бұрынғы президенттің бұл мәлімдемесі Құрама Штаттарда және басқа да елдерде талқылаулар мен пікірталастар туғызды және бұл алдағы сайлаудағы саяси жағдайға әсер етуі мүмкін.