АҚШ-тың бұрынғы президенті Дональд Трамп сайлауалды додаға кірісіп, қайта сайланатын болса, ел шекарасын жабуға уәде берді. Truth Social-ге берген мәлімдемесінде ол Ақ үйге қайта оралған кейін алғашқы күні осындай қадамға баратынын атап өтті.
«Мен қайта президент болып сайланатын болсам, шекараны дереу жауып тастап, [мигранттардың] ағынын тоқтатамыз және Америка тарихындағы ең ірі заңсыз қылмыскерлерді депортациялау операциясын бірінші күні бастаймыз», — деп мәлімдеді Трамп.
Заңсыз миграция мәселесі оңтүстік штаттар мен федералдық үкімет арасындағы шиеленіске себеп болды. Бұл мәселеде Техас губернаторы Грэг Эбботт белсенді болып, заңсыз миграцияның жолын кесу жөніндегі қатаң шараларды қолдайтынын білдіруде. Оның Американың басқа қалаларына мигранттарды автобустармен жөнелту секілді пікірі қызу пікірталас тудыруда.
АҚШ президенті сайлауы 5 қарашаға жоспарланған. The Hill мәліметтеріне сәйкес, ұлттық сауалнама нәтижесі бойынша Трамп Байденді шамамен 2 пайызға озып келеді.