Қазақстан Президенті Қазақстанда монополизмге қарсы күрес қалай жүргізіліп жатқаны туралы есепті тыңдады.
Бәсекелестікті қорғау және дамыту агенттігінің басшысы Марат Омаров баяндама жасады.
Қасым-Жомарт Тоқаев БҚДА жүргізіп жатқан монополияға қарсы тергеу жұмыстары туралы есепті тыңдады, деп хабарлады Ақорданың баспасөз қызметі.
Марат Омаров жыл басынан бері бәсекелестікті қорғау заңнамасын бұзу белгілері бар 293 хабарлама берілген, оның 78 пайызы өз еркімен орындалғанын айтты.
БҚДА басшысының мәліметінше, Агенттік жұмысындағы стратегиялық бағыттар – бәсекелестікті дамыту және қорғау бойынша тиімді жұмысты қамтамасыз ету, өндірістің негізгі факторларының кәсіпкерлік субъектілеріне теңдей қолжетімді болуын қамтамасыз ету, жеке бастаманы қолдау және бәсекелестік алаңын фаворитизмнен тазарту.
Мемлекет басшысына Жолдауда айтылған, соның ішінде бірыңғай операторларды қысқарту және конгломераттардың қызметін реттеу бөлігінде берілген тапсырмаларын жүзеге асыру жоспарлары туралы баяндалды. Агенттік мемлекеттік қолдау шараларының теңдей қолжетімді болуын қамтамасыз етуге, экономикадағы жеке кәсіпкерліктің үлесін арттыруға, экономиканың негізгі салаларында бәсекелестікті дамыту жұмысына ерекше көңіл бөледі.
Кездесу соңында Президент Агентік басшысына бірқатар нақты тапсырмалар берді.