Қазақстан Президенті Қ.К. Тоқаев елімізде ұлтаралық артықшылыққа жол берілмейтінін мәлімдеді. Ол сондай-ақ Қазақстанда біртұтас ұлт екенін атап өтті.
Мемлекет басшысы қазақстандықтар көзқарастары мен наным-сенімдеріндегі айырмашылықтарға қарамастан, бір-бірін түсінуге және құрметтеуге тиіс екенін мәлімдеді.
«Патриотизмнің жоғары құндылықтарын ұлтаралық артықшылық сезімімен алмастыруға, достық пен бірліктің орнына бір-біріне деген өшпенділікке жол берілмейді», — деді Қасым-Жомарт Тоқаев Қазақстан халқы Ассамблеясының XXXI сессиясында.
Оның айтуынша, біріктіретін, күшейтетін, үйлестіретін ортақ құндылықтарға ұмтылуымыз қажет.
«Біздің «Әртүрлі көзқарас біртұтас ұлт» деген қағидамыз мызғымайды», — деді Президент.
Мемлекет басшысы халық пен үкімет барлық жоспарларды бірлесіп жүзеге асыратынын атап өтті.
«Мен бұған кәміл сенемін. Біз Екінші Республиканы бірге құрамыз, Жаңа Қазақстанды бірге өркендетеміз! Әр азаматқа бірдей мүмкіндік беретін әділ әрі дамыған мемлекет боламыз!»- деп түйіндеді Қасым-Жомарт Тоқаев.
