Қазақстан Президенті Қ.К. Тоқаев қаңтардағы тәртіпсіздіктер кезінде қайда болғанын айтты. Мемлекет басшысы оқиға басталғаннан сәттен бері Нұр-Сұлтандағы резиденциясында түнегенін және ешқандай жағдайда елден кетуді жоспарламағанын хабарлады.
«Барлық төңкерістің мақсаты билікке басқа адамдардың келуі болды. Өзім туралы айтатын болсам, мен сол күндері президент резиденциясының ғимаратында болдым, ешқайда кетпедім. Әрине, осында түнедім. Оқиға басталған сәттен бері мен астанадан кетпейтінімді айттым, оның үстіне маған кейбір “жолдастар” тікұшаққа немесе ұшаққа отырып, Қазақстаннан кетуді ұсынды», — деді ол.
Мемлекет басшысы сондай-ақ елден кетуді жоспарламағанын және соңына дейін Қазақстанда болуым керек деп санағанын атап өтті.
Қаңтар айының басында Қазақстанда жаппай тәртіпсіздік орын алып, наразылық білдірушілер полицейлер мен әскерилерге шабуыл жасады. Тоқаев мемлекеттік төңкеріс әрекеті туралы мәлімдеп, ҰҚШҰ-дан көмек сұрады. 7 қаңтарға қарай жағдай тұрақтандырылды, 19 қаңтарда бүкіл ел бойынша ТЖ режимі алынып тасталды. Биліктің мәліметінше, тәртіпсіздіктердің салдарынан 230 адам қаза тауып, 4,5 мыңнан астам адам зардап шеккен.
