Терроризмге қарсы комитеттің отырысы өтті: қандай мәселе көтерілді

2022 жылғы 29 сәуірде Нұр-Сұлтанда ҰҚК Төрағасы Ермек Сағымбаев Қазақстан Республикасының Терроризмге қарсы орталығының отырысын өткізді.

Консультативтік-кеңес органының жұмысына мемлекеттік және жергілікті атқарушы органдардың бірінші басшылары қатысты.

2018 – 2022 жылдарға арналған Қазақстан Республикасында діни экстремизм мен терроризмге қарсы іс-қимыл жөніндегі мемлекеттік бағдарламаны 2021 жылы іске асыру қорытындылары жасалды. «Қауіпсіз ел» ұлттық жобасының «2022 – 2025 жылдарға арналған діни экстремизм мен терроризмге қарсы іс-қимыл мемлекеттік жүйесін дамыту» блогын әзірлеу сұрақтары талқыланды.

Мемлекеттік және жергілікті атқарушы органдардың Қазақстан Республикасының ақпараттық кеңістігінде діни экстремизм мен терроризмге қарсы насихат жөніндегі қызметін жетілдіру жөніндегі шаралар қаралды.

ТҚО отырысының нәтижелері бойынша бірқатар хаттамалық шешімдер қабылданды.

Добавить комментарий