Жамбыл облысы ПД баспасөз қызметі Таразда қаңтардағы тәртіпсіздіктер кезінде ұрланған қару-жарақ пен оқ-дәрі жасырылған орын табылғанын хабарлады.
Құқық қорғау органдарының қызметкерлері автоматтар, тапаншалар, гранаталар, патрондар, броньды кеудешелер, шлемдер, тізе төсегіштер мен газтұтқыштар тауып тәркіледі.
«Облыс орталығының аумағында 20 бірлік қару, 3 граната, патрондар, оқ-дәрі, полиция шлемдерін, тізе төсегіштер мен газтұтқыштар тауып тәркіледі. Қарудың ішінде үш «Калашников» автоматы, екі «Макаров» тапаншасы, «Сайга» маркалы мылтық, тегіс ұңғылы мылтықтар, револьвер, травматикалық тапанша, тегіс ұңғылы мылтықтың кесіндісін, газды және жарық-шу гранаталарын, автомат пен тапаншадан жасалған қару магазині, түрлі калибрлі 363 патрон болды. Қаруға сот-баллистикалық сараптамасы тағайындалды», — деп хабарлайды Жамбыл облысы ЖПД баспасөз қызметі.
