Тараз: Қала тұрғынынан атыс қаруының арсеналы табылды

Тараз полиция басқармасының қызметкерлері арнайы операция барысында 24 жастағы жергілікті тұрғынды ұстады. Құқық қорғау органдарының мәліметінше, ол гаражда заңсыз қару-жарақ сақтаған.

Ер адам қаруларды жаппай тәртіпсіздік кезінде ұрлап, гараждың шұңқырына жасырғанын және кейіннен оны сатуға дайындағандығын мойындады.

Жамбыл облысы ДП баспасөз қызметі: «Күдіктіден барлығы 10 бірлік «Макаров» тапаншасы, төрт бірлік «Калашников» автоматы мен екі шулы граната тәркіленді».

Аталған дерек бойынша сотқа дейінгі тергеп-тексеру амалдары басталды. Күдіктінің қалада орын алған тәртіпсіздіктер кезінде басқа да қылмыстық іс-әрекеттерге қатыстылығын анықтау жұмыстары жүргізілуде, — деп хабарлайды Жамбыл облысының баспасөз қызметі.

Ведомствода атап өткендей, тәркіленген қару-жарақтарға қатысты арнайы сот-баллистикалық сараптамасы тағайындалды.

Добавить комментарий