Ұлттық валюта бағамы бойынша қатты ауытқу күтілмейді. «Қазақстан қаржыгерлері қауымдастығы» сараптамалық орталығының зерттеушілері осындай қорытындыға келді
Зерттеуде қаржы нарығының кәсіби қатысушыларының, банк, сақтандыру, брокерлік ұйымдар өкілдерінің, талдамалық және қазынашылық бөлімшелер қызметкерлерінің пікірі ұсынылған.
Сауалнамаға қатысушылар негізгі индикаторлар бойынша мынадай болжамдар жасады:
Сарапшылар қысқа мерзімді перспективада ұлттық валюта бағамы бойынша көп өзгерістер күтілмейді;
Респонденттердің пікірінше, базалық мөлшерлеме 7-ші қыркүйекте өтетін отырыста өзгеріссіз қалады;
Экономика келесі 12 айда дағдарысқа дейінгі өсу деңгейіне оралмайды;
Инфляция бір жылдың көкжиегіндегі 4-6% деңгейден асатын болады;
Ақша-кредит шарттары келесі 12 айда жеңілдетілуі мүмкін.
Сарапшылардың пайымдауынша, бір жылдан кейін Brent маркалы мұнайдың құны барреліне шамамен 48,7 доллар, доллар 440,9 теңге, ЖІӨ 1,4%, базалық мөлшерлеме — 8,75%, инфляция — 7,9% болады.
Болжамды сауалнамаға екінші деңгейлі банктердің, БЖЗҚ, KASE және басқа да ұйымдардың өкілдері қатысты.
«Нәтижелер инвестициялық ұсыным болып табылмайды және тек тәуелсіз сарапшылардың пікірін көрсетеді, сондай-ақ ұсынылған ұйымдардың ресми пікірі болып табылмайды. Осы зерттеуге қатысушылар сияқты ҚҚА да осы шолуда ұсынылған болжамдар үшін ешқандай жауапкершілікке тартылмайды «, — деп атап өтті қауымдастықта.