Тәжікстан: Елдің шығысындағы лаңкестер тұрғындарды қоқан-лоқы көрсетіп келген

Тәжікстан ІІМ елдің шығысындағы терроризмге қарсы операция жайлы айта келе, жарты жыл бойы қылмыстық топтар жергілікті тұрғындарға қоқан-лоқы көрсетіп келгенін хабарлады.

Республиканың құқық қорғау органдары 17-18 мамыр аралығында өткен арнайы операция барысында 114 ҰҚТ-ның қатысушысын ұстады.

«Соңғы алты ай ішінде Рушан ауданы (Таулы Бадахшан автономиялық облысы — ред.) ҰҚТ мүшелері заңға қайшы әрекет етіп, қоғамдық тәртіпті бұзып, ауданның бейбіт тұрғындарын қоқан лоқы көрсеткен. Олар қоғамдық және жеке көліктердің қозғалысына кедергі келтіріп, заңсыз бекеттер қойған», — делінген СІМ мәлімдемесінде.

Бұған дейін арнайы операция кезінде ІІМ офицері өлтірілгені хабарланған болатын.

«Арнайы операция нәтижесінде сегіз содыр өлтірілді, 11-і жараланды, 114-і ұсталды», — делінген ведомствоның мәлімдемесінде.

ІІМ хабарлағандай, ұсталғандардан 24 Калашников автоматы, бес пулемет, 18 түрлі модификациядағы тапанша, төрт карабин, 11 Ф1 гранаты, 86 Молотов коктейлі, 3 келі тротил, рация тәркіленді.

Таулы Бадахшандағы қарулы қылмыскерлер шетелден келген, оларды қару-жарақпен жабдықталып, лаңкестік әрекеттер жасауға дайындықтан өткен, деп хабарлады республика ІІМ.

«Алдын ала тергеу және ресми алынған айғақтар қылмыстық топтар террорлық актілер үшін толық жауынгерлік даярлықтан өткенін, шетелден қарумен жабдықталғанын көрсетеді», — делінген Таулы Бадахшан автономиялық облысының Рушан ауданында Тәжікстан қауіпсіздік күштері сәрсенбі күні жүргізген терроризмге қарсы операцияның қорытындысы бойынша ІІМ мәлімдемесінде.

Добавить комментарий