Губернатордың міндетін атқарушы Осман Билгиннің айтуынша, үйінді аудандарында іздеу-құтқару жұмыстары жалғасуда.
Жер сілкінісінен кейін 160 сағат өткен соң 18 жастағы жігіт үйіндісі астынан тірі шығарылды.
«Біздің барлық командаларымыз бірге жұмыс істеп жатыр. Барлық командаларымыз үлкен үлес қосуда. Соңғы 8 үйде үйінді астынан адамдарды іздеу-құтқару жұмыстары жалғасуда», — деді Билгин.
Ол Нұрдағы толығымен бұзылып, қайта салынатынын мәлімдеді. «Бізде үйлер бар. Олар қайта салынады», — деді губернатор.
Хабарланғандай, зардап шеккен түрік қалаларында құтқарушылар үйінділердің астынан бір апта өтсе де аман қалған адамдарды тауып жатыр.
Қазіргі уақытта Түркияда 31 мыңнан астам адамның қаза болғаны расталды. Сирияда қаза болғандармен бірге жер сілкінісі салдарынан 35 мыңнан астам адам қайтыс болды. БҰҰ үйінділер астынан тағы осынша адам болуы мүмкін деп отыр.