Түркия теңіз арқылы Мариуполь тұрғындарын эвакуациялау үшін кемелерін ұсынды. Елдің Қорғаныс министрі тұрғындарды эвакуациялау алдағы күндері басталатынын мәлімдеді.
Түркияның ұлттық қорғаныс министрі Хулуси Акар Түркия Мариуполь тұрғындарын эвакуациялау үшін кемелерін ұсынғанын хабарлады. Оның айтуынша, таяу күндері қаладан эвакуациялау бойынша оң өзгерістер болады деп күтілуде. Бұл туралы NTV басылымы хабарлады.
«Біз Ресей және Украина Қорғаныс министрліктерімен тұрақты байланыстамыз. Түркия кемелерді орналастыруды қоса алғанда, қауіпсіз эвакуациялау үшін қолдан келгеннің барлығын жасадық және жасаймыз. Біз алдағы күндері бұл бағытта бірқатар оң өзгерістер болады деп күтеміз», — деп мәлімдеді министр.
Акар Мариупольдегі гуманитарлық ахуал соңғы күндері нашарлап кеткенін айтты.
«Біз бірге барлық бейбіт тұрғындарды эвакуациялау үшін қолдан келгеннің бәрін жасадық. Екіұшты мәселе туындап отыр, қаланың бір бөлігі Ресейдің бақылауында, ал екінші бөлігі Украинаның бақылауында», — деп толықтырды министр.
Еске сала кетейік, Мариуполь мэрі Вадим Бойченконың айтуынша, ресейліктер қаланы қоршауға алғанда 10 мыңнан астам бейбіт тұрғын қаза тапқан.