Қазақстан мен Ресей әртүрлі салада одақтас әрі көпжылдық серіктестер болып табылады. Алайда соңғы уақытта Нұр-Сұлтан Мәскеуден алшақтап барады. Қазақстан тәуелсіздік алған сәттен бастап сыртқы саясатында АҚШ, Қытай, Ресей секілді халықаралық аренадағы барлық үлкен ойыншылармен тең алшақтық қағидатын көздейтін бағытты ұстанып, әлемдік қоғамдастыққа көшбасшы елдермен өзара тиімді қарым-қатынас орнатуға деген ниетін білдірді, бұл ретте елдің егемендігі мен тәуелсіздігіне қауіп төндіретін талап қоюға немесе ҚР-ға ықпал етуге жол бермейтінін айқындады.
Мәскеу Еуразиялық экономикалық одақты саясаттандыруға тырысып келеді, аталған ұйымның қатарында қос ел бар. Батыс сарапшыларының пікірінше, бұл «Кремльге Қазақстандағы ықпалын кеңейтуге мүмкіндік береді».
Фото: Қазақстан сыртқы саясатында халықаралық аренадағы барлық үлкен ойыншылармен тең алшақтық қағидатын көздейтін бағытты таңдады
Нұр-Сұлтан басқа мемлекеттермен ынтымақтастық орнату үшін бар күш-жігерін жұмсап жатыр. Негізінен бұл Батыс мемлекеттері, атап айтқанда АҚШ, Ұлыбритания және Еуропалық одаққа кіретін елдер.
ҚР сыртқы саясатында тек Батыс елдерімен ғана ынтымақтастықты нығайтуды көздеп отырған жоқ. Сондай-ақ Түркі интеграциясы Қазақстанның сыртқы саясатындағы негізгі векторлардың бірі болып табылады.
Қазақстан Президенті Қасым-Жомарт Тоқаев Түркі әлемін дамытуға өте мүдделі. Көктемнің басында Түркі кеңесінің бейресми саммитінде ол түркі өркениетін жаңғыртуды бастау қажет екенін мәлімдеді. Мемлекет басшысының пікірінше, түркітілдес елдерді ХХІ ғасырдың маңызды экономикалық кеңістіктерінің біріне айналдыру қажет.
Фото: Қазақстан сыртқы саясатында халықаралық аренадағы барлық үлкен ойыншылармен тең алшақтық қағидатын көздейтін бағытты таңдады
Бұған дейін ҚР көшбасшысы Түркі Кеңесі толыққанды көпжақты алаңға айналып, ұйымның халықаралық беделі мен ықпалы артқанын атап өтті.
Түркі интеграциясы Қазақстанға көп нәрсе бере алады. Біріншіден, сыртқы саясатын көпжақты, теңгерімді жүргізу үшін қосымша мүмкіндік береді. Екіншіден, былтыр ҚР экспорты шамамен 20%-ға қысқарды. Демек, ОА еліне өндірушілері үшін жаңа ниша іздеуі қажет. 150 миллионнан астам халқы бар түркі әлемі қазақстандық экспортты арттыруға зор мүмкіндік береді. Үшіншіден, бұл «Тұран дәлізі» — Еуразияның екі негізгі нарығы Еуропа мен Шығыс Азия арасындағы тағы бір құрлықтық дәлізді қалыптастыруға мүмкіндік береді.
Жоғарыда айтылғандарды қорытындылай келе, батыс сарапшыларының пікірінше, түркітілдес мемлекеттермен интеграция орнату Қазақстанға Ресейден алшақтауға мүмкіндік береді.