2021 жылғы 20 тамызға қараған түні кісі өлтірілді. Құқық қорғау органдарының хабарлауынша, белгісіз біреу Сәтбаев қаласының тұрғынын өлтірген. Олар атыс қаруын қолданған.
«20 тамыз күні сағат 01:00 шамасында белгісіз біреулер қару қолдану арқылы 41 жастағы Сәтбаев қаласының тұрғынын өлтіріп кетті», — деп хабарлады Қарағанды облысы полиция департаментінің баспасөз қызметі.
Аталған факті бойынша ҚР ҚК-нің 99-бабы (адам өлтіру) бойынша сотқа дейінгі тергеу басталды.
«Оқиға орынында Қарағанды облыстық Полиция департаментімен Сәтбаев қалалық Полиция бөлімінің жедел-тергеу топтары жұмыс жасауда. Қылмыстық іс бойынша әртүрлі нұсқалар тексерілуде. Қазіргі уақытта аталған қылмысты ашу, күдіктіні анықтау бойынша жан-жақты кешенді іс-шаралар жүргізілуде», — дейді полицейлер.