9 мамырда Түмен облысының орман кешені департаменті өңірде 17 орман өрті тіркелгенін мәлімдеді.
Соңғы тәуліктің ішінде жеті өрт жағдайы тіркелді, ал үш орман өрті 384,4 гектар алаңға тарады. Сонымен қатар, куәгерлер жариялаған видеода өрт Түмен облысындағы тас жолдың екі жағын да шарпығаны байқалады.
Осыған байланысты Түмен облысының губернаторы Александр Моор өңірдің барлық аумағында төтенше жағдай режимін жариялады.
Губернатордың айтуынша, қасақана өрт қою аймақта орман өрті туындауының басты себептерінің бірі болып қалуда, себебі 7 мамырда орман базасының аумағында ағаш жаққаг ер адам қасақана өрт шығарды деген күдікпен ұсталды, оның әрекеті алапат өртке
алып келді.
Бұдан басқа, 8 мамырда Түмен облысындағы табиғи өртті сөндіру кезінде бір адам қаза тауып, тағы екі адам зардап шекті.