Үлкен Алматы айналма жолында (ҮАААЖ) қалың тұман салдарынан Алматының төрт тұрғыны жаппай жол апатының құрбаны болды. Щаһардың полиция департаментінің мәліметтеріне сәйкес, таңертеңгі уақытта 30-дан 37 шақырымға дейінгі жолда 7 шақырымдық учаскеде тоғыз автомобильдің қатысуымен үш ауыр жол апаты орын алды.
«Жол апатына қою тұман себеп болды деген болжам бар. Қазіргі уақытта жол апатының барлық мән-жайы мұқият тексеріліп жатыр», — деп атап өтті полиция.
Зардап шеккен төрт адам медициналық мекемеге жіберілді. Әлеуметтік желідегі жарияланған видеожазбаларда бірнеше көлік қатты зақымданғаны көрінеді. Ашық дереккөздерде жарияланған мәліметтер бойынша, автокөліктің біреуі өртеніп кеткен, алайда жүргізуші қашып үлгеріп, аман қалды.
Жол апатының мән-жайы қалың тұманда белгіленген жылдамдық режимін сақтаудың маңыздылығын ғана емес, сонымен қатар күрделі ауа райы жағдайларында жол жүру ережесін сақтау керек екенін көрсетеді.