Идрак Мирзализаденің Ресейге өмір бойына кіруіне тыйым салынды. Ведомствоның баспасөз қызметі беларустық стенд-комик Идрак Мирзализаданың өмір бойына қалаусыз адам деп танылғанын хабарлады.
«Ресей Федерациясының Ішкі істер министрлігі Беларусь Республикасының азаматы Идрака Кахин улы Мирзализаданың Ресей Федерациясына кіруіне (тұруына) өмір бойына тыйым салу туралы шешім қабылдады», — делінген хабарламада.
Ресей ІІМ мәліметінше, әзілкеш РФ-ға бірнеше рет келген, ал 2021 жылдың наурызында тұрақты тұруға рұқсат алған. Ведомствоның хабарлауынша, ол көпшілік алдында орыс ұлты өкілдеріне қатысты өшпенділік пен араздықты қоздыратын сөздер айтқан, сондықтан оның Ресей Федерациясында болуы «қоғамдық тәртіпке, басқа адамдардың құқықтары мен заңды мүдделеріне қауіп төндіреді».
«Ресей ІІМ қандай мағынада айтқанын қарамастан, ұлтаралық қатынастарды тұрақсыздандыруға бағытталған сөздерді орынсыз деп санайды», — деп баса айтты баспасөз қызметі.
Идрак Мирзализаде импровизациялық шоулардың бірінде өнер көрсеткен. Прокуратура өкілдерінің пікірінше, ол орыстарға қатысты «ұлттық белгілер бойынша бір топ адамды қорлаудың лингвистикалық және психологиялық белгілері бар» сөздер айтқан.
9 тамызда Мәскеудің Таған соты стендап-әзілкешті он тәулікке қамауға алды. Оның өзі орыстарға қатысты айтқан сөзі үшін кешірім сұрады, бірақ ол кінәсін мойындамады.
Егер Идрак Мирзализаде Ресейден өз еркімен кетпесе, оны депортациялайды.