Одесса мэрі Геннадий Труханов бұлтартпау шарасын таңдау жайлы мәселе қаралғаннан кейін сот залынан босатылды.
Геннадий Трухановқа қатысты $1,1 млн мөлшерінде кепіл түріндегі бұлтартпау шарасы таңдалды.
Украинаның жемқорлыққа қарсы жоғарғы соты (ЖҚЖС) Одесса мэрі Геннадий Труханов қатысты қамауға алмай, 30 млн гривен ($1,1 млн) көлемінде кепілдік беру түрінде бұлтартпау шарасын таңдады. Дүйсенбі күні судья Оксана Олейник осындай шешім шығарды.
«Қамауға алмай, 30 млн гривен мөлшерінде кепіл түріндегі бұлтартпау шарасын қолдану», — деді судья YouTube порталында көрсетілген сот отырысын жабу барысында.
Фото: Одесса мэрі сот отырысында
Труханов шетелдік паспортын тапсырып, Украина аумағында қалуы керек.
Украинаның сыбайлас жемқорлыққа қарсы мамандандырылған прокуратурасы (ЖМП) Трухановты 120 млн гривен ($4,5 млн) көлемінде кепілдік беру баламасымен 60 күнге қамауға алуды талап етті.
Бұған дейін Украинаның сыбайлас жемқорлыққа қарсы ұлттық бюросы ЖМП прокурорларының процессуалдық жетекшілігімен 16 адамға Одессаның аумақтық қауымының 689 млн гривен ($25,5 млн) болатын активтерін заңсыз иемденді және заңсыз алынған кірістерді заңдастырды деген айып тақты. Күдіктілердің арасында, Трухановтан бөлек, бизнесмен Владимир Галантерник, Одесса облысының экс-прокуроры Олег Жученко, Одесса қалалық кеңесі департаментінің директоры Алексей Спектор және басқа да бірқатар тұлғалар бар.