Оңтүстік астананың әуе айлағының әкімшілігі 2.2 млн теңге көлемінде айыппұл төледі. Алматы әуежайы да әкімшілік жауапкершілікке тартылды.
Көліктегі бас санитарлық дәрігер Сәдуақас Байғабұлов Нұр-Сұлтан халықаралық әуежайына «Халықтың санитарлық-эпидемиологиялық салауаттылығы саласындағы талаптарды, сондай-ақ гигиеналық нормативтерді бұзғаны үшін» әкімшілік жаза қолданылғанын хабарлады.
Оған елорда әуежайында карантиндік шектеу шараларының сақталмауы себеп болды: келетін және кететін жолаушылар үшін жеке дәліздер ұйымдастырылмаған, рейске тіркелу және отырғызу кезінде жолаушылар арасындағы әлеуметтік арақашықтық сақталмаған, терминалда дезинфекциялық кілемдер орнатылмаған, перрондық автобус жүргізушілерінде қолғап болмаған және бетперде жиынтығы болмаған.
Алматы әуежайына да қысқартылған өндіріс мерзімінің аяқталуына байланысты осыған ұқсас бап бойынша айыппұл салынды.
Scat авиакомпаниясына осы бап бойынша жолаушылар арасындағы әлеуметтік арақашықтықты сақтамағаны және персоналды ауысым алдында медициналық тексеруден өткізбегені үшін айыппұл салынды.
Air Astana авиакомпаниясына авиабилеттерді сату кеңсесінде қорғаныш қоршауы болмағаны үшін, және персоналдың ауысым алдындағы медициналық тексеруден өтпегені үшін айыппұл салынды.айыппұл салынды.
Жолаушылардың назарына елордалық әуежайдың үш терминалында коронавирустық инфекцияның таралмауының алдын алу мақсатында Т1 ғимараты (халықаралық), Т2 ғимараты (ішкі) және «Северный» ғимараты — 15 стационарлық тепловизор кешені орнатылған.
Бұл ретте тепловизор камералары белгілі бір қашықтықта орнатылған және келетін және ұшып бара жатқан жолаушыларға ыңғайсыздық тудырмай, ағындағы адамдардың температурасын өлшейді, сондай-ақ олардың кептелуін болдырмайды.
Қысқартылған өндіріс мерзімінің аяқталуына байланысты Алматы қаласының халықаралық әуежайына ӘҚБтК 425-бабының 1-бөлігі бойынша 1600 АЕК мөлшерінде айыппұл салынды.
