Владимир Путин режимі Еуропа құрлығында Екінші дүниежүзілік соғыстан кейінгі ең ауқымды және қанды соғысты бастады. Елдегі тамыр кеңге жайылған сыбайлас жемқорлық кремльшіл пропагандисттер мен Кремль қорқытып келген Ресейдің әскери потенциалын құрдымға жіберді. Ресей Федерациясында өнеркәсіп кешені барынша жұмыс істеп жатыр, бірақ бұл армияны қамтамасыз ету үшін жеткіліксіз. Президент Владимир Путин соғыс алаңындағы басымдықты қайта қолына алып, шабуылдауды қайта бастау үшін Солтүстік Кореядан түрлі оқ-дәрілер сатып алу туралы өтініш жасады. Журналистер жүргізген тергеу мен арнайы қызметтердің есептері Ресей КХДР-дан миллиондаған оқ-дәрілер алғанын растайды.
Ресейдің Солтүстік Кореямен ортақ шекарасы бар. Бұл оқ-дәрілерді жіберуді жеңілдетіп отыр, алайда оны білдіртпей жүзеге асыруға мүмкіндік бермеді. Владимир Путин мен Солтүстік Корея лидері Ким Чен Ынның режимі ұқсас. Екеуі де АҚШ бастап тұрған Батысқа қарсы тұруға баса назар аудара отырып, сыртқы саясатын жүргізіп жатыр. Ішкі саясатта қуғын-сүргінге және жеке адамға табынушылыққа сүйене отырып жүргізілуде. Сондықтан екі мемлекет басшысына келісімге келу қиынға соқпады. Оның үстіне, америкалық барлау қызметінің мәліметтеріне сәйкес, Ресей Пхеньянға қарсы санкциялар салдарынан бұғатталған Солтүстік Кореяның қаражатының бір бөлігін жіберді, халықаралық банк желілеріне қолжетімділікке жол ашты, сондай-ақ озық әскери технологиялармен бөлісті.
Пхеньян бұған жауап ретінде Ресейге оқ-дәрілерді жіберді. Стратегиялық және халықаралық зерттеулер орталығының (CSIS) есебінде 2,5 млн. бірлік түрлі оқ-дәрілер жеткізілгені айтылған. Спутниктік суреттерде 2023 жылғы тамыздан бастап кемінде 25 кеме Солтүстік Кореяның Наджин портында оқ-дәрілерді тиеп, содан кейін сәйкестендіру маяктарын өшірген 19 кеме Ресейдің Шығыс портында эүктерді түсіргені көрінеді. Сонымен қатар, аналитиктер Тихорецк, Моздок оқ-дәрілер қоймасы мен Егорлык аэродромдары майдан желісіне жақын орналастыру үшін оларды оқ-дәрі қоймасы етіп жабдықтағанын атап өтті. Зерттеушілер Солтүстік Кореяның Туманган объектісінде және Ресейдің Хасан объектісінде өте көп пойыздар мен теміржол вагондарын тұрғанын анықтады.
Ақ үйдің Ұлттық қауіпсіздік жөніндегі кеңесшісі Джон Кирби 2024 жылдың қаңтар айында КХДР Ресейге тактикалық зымыран кешендері мен баллистикалық зымырандарды жібергенін хабарлады. 30 желтоқсанда және 2 қаңтарда Ресей әскері осы зымырандарды қолданды. Оларды атып түсіру қиын, өйткені баллистикалық зымырандардың траекториясы ұшырылғаннан кейін өзгеруі мүмкін.
Ресей өзіне қажетті мөлшерде оқ-дәрі өндіре алмайды, сондықтан Владимир Путин одақтастарына жүгінуге мәжбүр, олар қажетті көлемде қару-жарақты жіберуде. Украина да жеткілікті мөлшерде оқ-дәрі мен техниканы өндіре алмайды, Киевтің серіктестері әскери көмекті кешіктіруде, бұл Ресейге өз әскери әлеуетін қалпына келтіруге мүмкіндік беріп, сол арқылы Украинаның басымдықты өз қолында ұстап қалу үшін жасаған барлық күш-жігері ауаға кетті десе болады. Украинаның еркіндігіне ғана емес, Еуропаның қауіпсіздігіне де қауіп төніп тұр. Осы қанды соғыста жеңіске жету үшін Батыс бар күш-жігерін салу керек.